کیپ ٹاؤن : کیپ ٹاؤن ٹیسٹ کے چوتھے روز پاکستان کی ٹیم نے اپنی دوسری اننگز کا آغاز 213 رنز ایک کھلاڑی آؤٹ سے کیا۔ شان مسعود 106 اور خرم شہزاد 16 رنز کے ساتھ وکٹ پر موجود ہیں۔ گرین شرٹس کو جنوبی افریقا کی پہلی اننگز کے 615 رنز کا خسارہ ختم کرنے کے لیے مزید 197 رنز درکار ہیں۔
جنوبی افریقا نے پہلی اننگز میں 615 رنز بنائے تھے، جس کے جواب میں پاکستانی ٹیم صرف 194 رنز بنا کر فالو آن کا شکار ہو گئی تھی۔ پاکستان اور جنوبی افریقا کے درمیان دو ٹیسٹ میچوں کی سیریز میں جنوبی افریقا کو 1-0 کی برتری حاصل ہے، کیونکہ پروٹیز نے سنچورین ٹیسٹ میں شاہینوں کو دو وکٹوں سے سنسنی خیز شکست دی تھی۔ پاکستان کی ٹیم کو اس ٹیسٹ میں جنوبی افریقا کے اس بڑے خسارے کو پورا کرنے اور سیریز میں برابری حاصل کرنے کے لیے سخت جدوجہد کا سامنا ہے۔
