میلبورن: معروف ٹینس سٹار اور عالمی نمبر ایک کھلاڑی نواک جوکووچ کو آسٹریلیا میں داخل ہونے سے روک دیا گیا ہے۔
غیر ملکی خبررساں ادارے کے مطابق ٹینس سٹار کو ابتدائی طور پر آسٹریلین اوپن میں شرکت کے لیے کورونا ویکسین کی شرط سے طبی استثنیٰ دیا گیا تھا تاہم اب آسٹریلوی حکام کی جانب سے ان کو ملک میں داخل ہونے سے روک دیا گیا ہے۔
سربین ٹینس سٹارکو آسٹریلیا کی حکومت نے ایک خط بھی جاری کیا جس میں کہا گیا کہ ان کا ویزا منسوخ کرتے ہوئے انہیں ملک بدر کر دیا جائے گا۔
دوسری جانب نواج جوکوچ کے وکیل کا کہنا ہے کہ ٹینس سٹار اپنی ملک بدری روکنے کے لیے درخواست دائر کریں گے۔
وکٹوریہ کی مقامی حکومت نے کہا کہ وہ جوکووچ کی درخواست کی حمایت نہیں کرے گی جس سے ان کی قسمت کا فیصلہ وفاقی حکومت اور وزیر اعظم سکاٹ موریسن کے ہاتھ میں آ جائے گا۔
Mr Djokovic’s visa has been cancelled. Rules are rules, especially when it comes to our borders. No one is above these rules. Our strong border policies have been critical to Australia having one of the lowest death rates in the world from COVID, we are continuing to be vigilant.
— Scott Morrison (@ScoMo30) January 5, 2022
اس حوالے سے آسٹریلوی وزیر اعظم سکاٹ موریسن نےاپنے ایک ٹویٹ میں کہا کہ جوکووچ کا ویزا منسوخ کر دیا گیا ہے۔انہوں نے کہا کہ قانون سب کیلئے برابر ہے ، کوئی بھی اس سے بالاتر نہیں ہے۔
