لاہور : لاہور ہائیکورٹ میں ڈپٹی کمشنر لاہور کے خلاف توہین عدالت کی درخواست پر سماعت ہوئی، جس کے دوران عدالت نے عورت مارچ کی اجازت ملنے پر درخواست کو نمٹا دیا۔ ڈپٹی کمشنر لاہور کی جانب سے عورت مارچ کی اجازت دی گئی ہے اور اس حوالے سے سرکاری وکیل نے مارچ کی سیکیورٹی سے متعلق خط عدالت میں پیش کیا۔
خط میں بتایا گیا کہ 12 فروری کو عورت مارچ کا انعقاد کیا جا رہا ہے اور اس کے شرکاء کو فول پروف سکیورٹی فراہم کرنے کی یقین دہانی کرائی گئی ہے۔ لاہور ہائیکورٹ کے جسٹس انوار حسین نے لینا غنی اور دیگر کی درخواستوں پر سماعت کی اور درخواست کو نمٹاتے ہوئے عورت مارچ کی اجازت کا فیصلہ برقرار رکھا۔