لاہور : لاہور ہائی کورٹ میں 10 ایڈیشنل ججز کی تعیناتی کے معاملے پر چیف جسٹس پاکستان جسٹس یحییٰ آفریدی کی زیر صدارت جوڈیشل کمیشن کا اجلاس آج سپریم کورٹ کے کمیٹی روم میں دوپہر 2 بجے ہوگا۔ اجلاس میں لاہور ہائی کورٹ کے لیے 10 ایڈیشنل ججز کی تعیناتی کے حوالے سے فیصلہ کیا جائے گا۔
ذرائع کے مطابق جوڈیشل کمیشن کو 10 ججز کی تعیناتی کے لیے 49 نامزدگیاں موصول ہوئی ہیں۔ ان میں 4 ڈسٹرکٹ سیشن ججز اور 45 سینئر وکلاء کے نام شامل ہیں، جن پر غور کیا جائے گا۔
لاہور ہائی کورٹ کے لیے ڈسٹرکٹ سیشن ججز میں قیصر نذیر بٹ، محمد اکمل خان، جزیلہ اسلم اور عبہر گل خان کے نام زیر غور ہیں، جبکہ سینئر وکلاء میں عدنان شجاع بٹ، ایان طارق بھٹہ، امبرین انور راجہ، اسد محمود عباسی، اسماء حامد، بشریٰ قمر، اقبال احمد خان، سلطان محمود اور غلام سرور کے نام شامل ہیں۔
اس کے علاوہ دیگر وکلاء اور ججز کے ناموں میں حیدر رسول مرزا، حارث عظمت، حسیب شکور پراچہ، حسن نواز مخدوم، ہُما اعجاز زمان، خالد اسحاق، ملک جاوید اقبال وائیں، ملک محمد اویس، ملک وقار حیدر اعوان، میاں بلال بشیر، مغیث اسلم، محمد اورنگزیب خان، محمد جواد ظفر، اور محمد نوید فرحان بھی زیر غور آئیں گے۔
اجلاس میں ساجد خان تنولی، ثاقب جیلانی، نوازش علی پیرزادہ، محمد زبیر خالد، منور السلام، مقتدر اختر شبیر، مشتاق احمد، نجف مزمل خان، نوید احمد خواجہ، قادر بخش، قاسم علی چوہان، رافع ذیشان، جاوید الطاف، رانا شمشاد خان، رضوان اختر اعوان اور صباحت رضوی کے ناموں پر بھی غور کیا جائے گا۔ اس کے علاوہ سلمان احمد، سمیعہ خالد، سردار اکبر علی، شیغن اعجاز، سید احسن رضا کاظمی، انتخاب حسین شاہ اور عثمان اکرم ساہی کے ناموں پر بھی غور کیا جائے گا۔
