لاہور : پاکستان کرکٹ بورڈ (پی سی بی) نے آئی سی سی چیمپئنز ٹرافی کے لیے مزید ٹکٹس جاری کرنے کا فیصلہ کیا ہے۔ عوام کی بڑھتی ہوئی دلچسپی کے پیش نظر، چیمپئنز ٹرافی کے چار میچز کی مزید ٹکٹس جمعرات سے دستیاب ہوں گی۔
ذرائع کے مطابق، پاکستان بمقابلہ نیوزی لینڈ، پاکستان بمقابلہ بنگلادیش، آسٹریلیا بمقابلہ انگلینڈ اور دوسرے سیمی فائنل کے میچز کے لیے مزید ٹکٹس جاری کیے جائیں گے۔ پاکستان اور بنگلا دیش کے میچ کے لیے 2 ہزار اضافی ٹکٹس ریلیز ہوں گے، جبکہ دیگر میچز کے لیے 5، 5 ہزار ٹکٹس دستیاب ہوں گے۔
یہ ٹکٹس آن لائن اور نجی کوریئر سروسز کے دفاتر پر بھی دستیاب ہوں گے۔ پی سی بی کا کہنا ہے کہ یہ فیصلہ فینز کی دلچسپی کو مدنظر رکھتے ہوئے کیا گیا ہے۔ پاکستان کرکٹ ٹیم اپنا پہلا میچ 19 فروری کو نیوزی لینڈ کے خلاف کراچی میں کھیلے گی، جس کے لیے شائقین کرکٹ کی جانب سے بے حد جوش و خروش دیکھنے کو مل رہا ہے۔