کوئٹہ: صوبہ بلوچستان میں کوئٹہ، خضدار اور اس کے نواحی علاقوں میں زلزلے کے جھٹکے محسوس کیے گئے۔
زلزلہ پیما مرکز کے مطابق ریکٹر اسکیل پر زلزلے کی شدت 4.4تھی ، زلزلے کے جھٹکے ایک بجکر 7منٹ پر محسوس کیے گئے۔
صوبائی ڈیزاسٹر منیجمنٹ اتھارٹی (پی ڈی ایم اے ) کے مطابق زللزے سے تاحال کسی جانی ومالی نقصان کی کوئی اطلاعات نہیں ہیں۔
زلزلے کا مرکز خضدار شہر سے جنوب مغرب میں چار کلومیٹر کے فاصلے پر تھا۔
