5 سالہ ریان کو بچانے کی کوششیں ناکام، ہر آنکھ اشکبار

رباط: مراکش میں 5 سالہ ریان کو بچانے کی کوششیں ناکام ہو گئیں، 5 روز کے طویل ریسکیو آپریشن کے بعد ریسکیو اہلکار گہرے کنویں میں گر جانے والے 5 سالہ بچے کو نہ بچا سکے۔

غیر ملکی میڈیا  کے مطابق 5 روز کے طویل آپریشن میں ریسکیو اہلکار وں  نے پائپ میں نصب کیمروں کی مدد سے کنویں میں گرنے والے  بچے کی جگہ کا تعین کیا، جس کے بعد ریسکیو ورکر وہاں تک پہنچ بھی گئے تاہم اس وقت تک ریان زندگی کی بازی ہار چکا تھا۔

 واضح رہے کہ 5 سالہ ریان آورم  پانچ روز قبل  شیف چاؤن کے قریب پہاڑیوں میں واقع اپنے گاؤں ایگران کے ایک کنویں میں گرا  جس کو بچانے کے لیے بڑے پیمانے پر ریسکیو آپریشن شروع ہوا۔

https://twitter.com/_0rEv/status/1489540018616119299?s=20&t=wsSqG0abhYtbbTda4Pl1kw

خبر جنگل میں آگ کی طرح ہر طرف پھیل گئی اور لوگوں نے ریان کی باحفاظت واپسی کیلئے دعائیں بھی کیں تاہم بھر پور کوششیں اور دعائیں کار گر ثابت نہ ہو سکیں۔

https://twitter.com/HusseinMe95/status/1490077879413182465?s=20&t=n93vz1IWjP3ibSf6h31VCg