کراچی : پاکستان ٹی وی کی مشہور اداکارہ نیلم منیر اور شوبز کی دنیا سے تعلق رکھنے والی شخصیت کے درمیان قربتیں آج کل کچھ زیادہ ہی بڑھ رہی ہیں، مشہور اداکار، میزبان اور ماڈل ڈیزائنر صائم علی نے سوشل میڈیا پر کچھ تصاویر اپ لوڈ کی ہیں جس کے کیپشن میں نیلم کو روح کا رشتہ قرار دیا ہے۔
گزشتہ دنوں کار میں بولڈ ڈانس کی ویڈیو کے باعث شدید تنقید کا نشانہ بننے والی مشہور ٹی وی اداکارہ نیلم منیر کی اپنے قریبی دوست کے ساتھ تصاویر منظر عام پر آگئیں۔
پاکستان شوبز انڈسٹری کے نوجوان اور خوبرو ماڈل، اداکار اور میزبان صائم علی نے سوشل میڈیا پر نیلم منیر کے ساتھ اپنی تصاویر شیئر کی ہیں جس میں وہ دونوں خوشگوار موڈ میں ایئرپورٹ پر نظر آرہے ہیں، سیاہ جینز اور چست سفید ٹی شرٹ میں نیلم خوب توجہ حاصل کررہی ہیں، صائم بھی سیاہ لباس پہنے ہوئے ہیں۔
صائم نے تصاویر کے ساتھ دلچسپ تبصرے بھی تحریر کئے ہیں، ایک تصویر میں نیلم کو سول میٹ ’’روح کا رشتہ‘‘ قرار دیا، جبکہ دوسری تصویر میں ہردلعزیز نیلم منیر سے ایئرپورٹ پر ٹکراؤ درج ہے۔
صائم علی نے ایک تصویر میں لکھا ہے کہ یہ نان اسٹاپ گوسپ کا شاندار سیشن تھا اور اب دو وجوہات کے باعث مجھے ماہی وے گانے سے مزید پیار ہوگیا ہے۔نیلم منیر ٹیلی ویژن انڈسٹری کی مشہور و معروف اداکارہ ہیں انہوں نے رنگ لگا، جل پری اور صبح کا ستارہ سمیت کئی کامیاب سیریلز میں کام کرچکی ہیں۔