پاکستان کی خوبرو اداکارہ اور ماڈل سدرہ بتول کا شمار ان خوش قسمت اداکاراؤں میں ہوتا ہے جنہوں نے شوبز کی دنیا میں بہت جلد کامیابی حاصل کی، 8 دسمبر 1985 کو جنم لینے والی سدرہ بہت سے ڈراموں میں عمدہ اداکاری سے اپنی جگہ بنا چکی ہیں.
ان کے یادگار ڈراموں میں ‘یہ زندگی ہے’،’پرورش’،’عشق ہماری گلیوں میں’اور ‘داغ’شامل ہیں،اس کے علاوہ وہ بہترین ‘سوپ اداکارہ’کا ایوارڈ بھی حاصل کرچکی ہیں۔سدرہ گزشتہ ماہ کے آخر30 جنوری کو شادی کے بندھن میں بندھ گئیں،ان کی نکاح کی تقریب سادگی سے منعقد ہوئی جس میں ان کے دوستوں اور قریبی رشتے داروں نے شرکت کی، جس کے بعد مایوں اور شادی کی تقریب بھی شاندار رہی۔ تاہم اب اداکارہ کے ولیمے کی تصاویر بھی منظر عام پر آچکی ہیں.