اسلام آباد میں گیس پریشر کے بحران کا حل، نئی گیس فراہمی کا شیڈول

اسلام آباد: گیس پریشر کی کمی کے مسئلے کا حل نکال لیا گیا ہے۔ شہر میں اب صارفین کو روزانہ صبح 5 سے رات 11 بجے تک گیس فراہم کی جائے گی۔
تفصیلات کے مطابق، گیس کی کمی نے گھریلو صارفین کو خاص طور پر متاثر کیا ہے، خصوصاً خواتین کو کھانا پکانے میں مشکلات پیش آتی تھیں۔ اس بحران کو حل کرنے کے لیے سوئی نادرن گیس نے راولپنڈی کو اسلام آباد سے منقطع کرنے کا فیصلہ کیا ہے تاکہ شہر کو بہتر گیس فراہمی ممکن ہو سکے۔
جی ایم سوئی نادرن اسلام آباد عدنان احمد نے بتایا کہ اسلام آباد کے لیے اڑھائی ارب روپے کا ایک پیکج منظور کیا گیا ہے، جس سے گیس کی فراہمی میں استحکام آئے گا۔ اس سے قبل گیس کی فراہمی محدود اوقات تک ہی ممکن تھی۔