کوئٹہ : محکمہ موسمیات کی جانب سے 7 سے 9 دسمبر تک بلوچستان میں گردآلود ہوائیں چلنے کی پیش گوئی کی گئی ہے، جس کے باعث صوبے کے شمالی علاقوں میں درجہ حرارت منفی 3 سے منفی 5 ڈگری سینٹی گریڈ تک گرنے کا امکان ہے۔ اس صورتحال کے پیش نظر، پی ڈی ایم اے کی طرف سے شہریوں کو غیر ضروری سفر سے گریز کرنے کی ہدایت کی گئی ہے۔
محکمہ موسمیات کے مطابق، گردآلود ہوائیں بلوچستان کے ساحلی علاقے گوادر، آواران، کیچ اور پنجگور سمیت دیگر علاقوں کو متاثر کریں گی۔ اس کے علاوہ، کوئٹہ، پشین، قلعہ عبداللہ، ژوب، قلعہ سیف اللہ، واشک، خاران، چاغی، سوراب، قلات، بولان اور مستونگ میں بھی تیز ہواؤں کا امکان ہے، جو ریت اور دھول کے طوفان جیسے حالات پیدا کر سکتی ہیں۔
صوبے کے شمالی علاقوں میں درجہ حرارت منفی 3 سے منفی 5 ڈگری سینٹی گریڈ تک گر سکتا ہے۔ سمندری علاقوں میں بھی تیز ہوائیں چلنے کی پیش گوئی ہے۔ پی ڈی ایم اے نے شہریوں کو الرٹ کرتے ہوئے کہا ہے کہ وہ غیر ضروری سفر سے گریز کریں اور اپنے سامان کو محفوظ جگہ پر رکھیں تاکہ کسی بھی نقصان سے بچا جا سکے۔
