اکثر چھوٹے قد کے لوگ اس کی وجہ سے کافی پریشان رہتے ہیں اور اپنے قد کو بڑھانے کےلئے وہ کئی ورزش اور دیگر جتن بھی کرتے ہیں کہ کسی طرح ان کا قد بڑھ جائے۔کچھ لوگوں کا خیال ہوتا ہے کہ ایک مخصوص عمرجیسے 18 سال کے بعد آپ کا قد بڑھنا رُک جاتا ہے ، لیکن ایسا ہرگز نہیں ہےآپ 18 سال کے ہونے کے بعد بھی اپنے قد میں نمایاں فرق دیکھ سکتے ہیں۔
قد کا دارومدار آپ کے والدین پر انحصار کرتا ہے، اگر آپ کے والدین کا قد بڑا ہے تو عین ممکن ہے کہ آپ کا قد بھی بڑا ہو، لیکن اگر والدین چھوٹے قد کے ہوں گے تو اس سے آپ کا قد بھی متاثر ہوسکتا ہے۔لیکن وہ بچے جو بچپن میں کھیل کود زیادہ کرتے ہیں اور باقاعدگی سے ہر اسپورٹس میں حصہ لیتے ہیں ان کا قد دوسرے بچوں کے مقابلے میں زیادہ بڑا ہوتا ہے اور ایسے بچے جسمانی طور پر مضبوط بھی ہوتے ہیں۔
اگر آپ اپنے چھوٹے قد سے پریشان ہیں اور اپنے دوست احباب کے ساتھ گھومنے میں شرمندگی محسوس ہوتی ہے تو آپ درج ذیل طریقوں پر عمل کریں، اس سے آپ کے قد میں نمایاں فرق نظر آئے گا۔
٭ اچھی نیند
اگر آپ قد بڑھانا چاہتے ہیں تو اس کےلئے آپ کو اپنی نیند اچھی کرنا بہت ضروری ہے۔ پورے دن میں 8 گھنٹے کی نیند آپ کےلئے لازمی ہے۔ کوشش کریں رات کے وقت کیفین نہ لیں اس سے آپ کی نیند میں خلل پیدا ہوسکتا ہے۔ جب بھی سونے کےلئے لیٹیں تو کمرے میں اضافی روشنی بند کردیں اور اندھیرے میں سونے کی کوشش کریں۔ اس کے علاوہ موبائل اور لیپ ٹاپ استعمال کرنے سے بھی گریز کریں۔
٭اچھی خوراک
قد کو بڑھانے کےلئے آپ کی غذاکا اچھا اور صحت بخش ہونا بہت ضروری ہے۔اس کے لئے آپ کو اپنی ڈائٹ میں کاربوہائیڈریٹس والی غذائیں بہت مددگار ثابت ہوں گی،یہ غذائیں آپ کے جسم میں فیول کا کام سرانجام دیں گی۔ اس کے علاوہ پروٹین آپ کے جسم کو بڑھنے میں مدد دے گا۔ کیلشیم، زنک ، آئرن اور وٹامن بی 3 بھی آپ کا قد بڑھانے میں اہم کردار ادا کرتے ہیں۔
٭ورزش
قد بڑھانے کےلئے ورزش کرنا ایک اہم جزو ہے۔ ہر طرح کی ورزش آپ کے قد کو بڑھانے میں مددگار ثابت ہوتی ہے۔ سوئمنگ، رسی کودنا ، اونچی جگہ پر لٹکنا اور ہلکی پھلکی اسٹریچنگ آپ کا قد بڑھنے میں اہم کردار ادا کرتی ہیں۔