برمنگھم : دولت مشترکہ کھیلوں میں پاکستان نے ایک اور میڈل حاصل کرلیا ہے۔ پاکستانی ریسلر علی اسد نے پاکستان کیلئے برانز میڈل حاصل کیا۔
57 کلوگرام ریسلنگ کے مقابلوں میں پاکستان کے علی اسد نے برانز میڈل جیتا۔ علی اسد نے برانز میڈل کی باؤٹ میں نیوزی لینڈ کے سورج سنگھ کو محض 55 سیکنڈز میں چاروں خانے چت کردیا۔
برمنگھم کامن ویلتھ گیمز میں پاکستان کے مجموعی میڈلز کی تعداد اب 7 ہوگئی ہے جن میں صرف ایک گولڈ میڈل شامل ہے۔پاکستان میڈل ٹیبل پر اس وقت 16 ویں نمبر پر ہے۔
اسی کیٹیگری کے فائنل میں بھارت کے روی نے نائیجیریا کے کھلاڑی کو شکست دے کر گولڈ میڈل حاصل کیا۔