کیوی: روسی فورسز نے یوکرین کے صدر ولودومیر زیلنسکی کے آبائی شہر کریوی رِح پر جمعہ کے روز ایک میزائل حملہ کیا، جس میں 19 افراد ہلاک ہو گئے، جن میں 9 بچے بھی شامل ہیں۔ حملے میں 50 سے زائد افراد زخمی ہو گئے۔
یوکرینی حکام کے مطابق، اس حملے میں بچوں کے کھیل کے میدان اور چھوٹی گلیوں کو نشانہ بنایا گیا، جس پر یوکرین کے صدر زیلنسکی نے غم و غصے کا اظہار کرتے ہوئے کہا کہ اس طرح کے حملے اتفاقی نہیں ہو سکتے اور روس کو معلوم تھا کہ ان علاقوں میں توانائی کے اہم تنصیبات ہیں۔
صدر زیلنسکی نے متاثرہ خاندانوں سے تعزیت کی اور کہا کہ ایسے حساس مقامات پر حملے ناقابل قبول ہیں، جنہیں کسی بھی صورت میں محفوظ رہنا چاہیے۔
دوسری طرف، روس کی وزارتِ دفاع نے ایک بیان میں دعویٰ کیا کہ حملہ یوکرینی اور مغربی افسران کے درمیان ہونے والی میٹنگ کو نشانہ بنانے کے لیے کیا گیا تھا۔ ان کے مطابق، یہ حملہ انتہائی درست نشانے کے طور پر ایک ریسٹورنٹ میں کیا گیا جہاں یونٹ کمانڈرز اور مغربی انسٹرکٹرز کی میٹنگ ہو رہی تھی۔