سپریم کورٹ کے باہر فواد چوہدری اور صحافی مطیع اللہ جان میں شدید تلخ کلامی

اہم خبریں پاکستان 
  نیوویب ڈیسک
سپریم کورٹ کے باہر فواد چوہدری اور صحافی مطیع اللہ جان میں شدید تلخ کلامی

اسلام آباد: سپریم کورٹ کے باہر فواد چوہدری اور  صحافی مطیع اللہ جان میں شدید تلخ کلامی ہو گئی جس پر صحافیوں نے احتجاج کرتے ہوئے میڈیا ٹاک کا بائیکاٹ کر دیا۔

تفصیلات کے مطابق سپریم کورٹ کے باہر پی  ٹی آئی رہنما اسد عمر اور فواد چوہدری میڈیا سے گفتگو کررہے تھے کہ اس دوران صحافی مطیع اللہ جان نے فرح خان سے متعلق اسد عمر سے سوال کر تے ہوئے پوچھا کہ ’فرح گجر کہاں بھاگیَ؟‘ جس پر فواد چوہدری بیچ میں آئے اور کہا کہ  پہلے میں بات کرلوں تاہم مطیع اللہ جان اپنے سوال پر بضد رہے اور کہا کہ پہلے میرے سوال کا جواب دیں۔جواب میں فواد چوہدری نے صحافی کو کہا کہ ’آپ تو کرائے کے ٹٹو ہیں‘۔

گرفتاریاں ہوں گی اگر قانون شکنی کی گئی:وزیراعلیٰ پنجاب مریم نواز کی پی ٹی آئی کو وارننگ

فواد چوہدری کے نامناسب الفاظ پر وہاں موجود دیگر صحافیوں نے پی ٹی آئی رہنما ؤں کی میڈیا ٹاک کا بائیکاٹ کرتے ہوئے احتجاج شروع کر دیا اور فواد چوہدری سے معافی کا مطالبہ کیا تاہم فواد چوہدری نے معذرت سے انکار کر دیا اور  دونوں پی ٹی آئی رہنما میڈیا ٹاک  ادھوری چھوڑ کر چلے گئے۔

مصنف کے بارے میں