بنگلورو:کیٹو ڈائٹنگ کرنے والی بھارتی اداکارہ چل بسیں۔
بھارتی میڈیا رپورٹس کے مطابق 27 سالہ اداکارہ مشتی مکھرجی کیٹو ڈائٹنگ کرنے کے باعث گردے فیل ہونے کی وجہ سے اپنی زندگی گنوا بیٹھیں۔ مشتی مکھرجی نے بنگلورو کے ایک ہسپتال میں اپنی زندگی کی آخری سانسیں لیں۔
View this post on Instagram
اداکارہ کی موت کی وجہ ان ان کے گردے فیل ہونا بتایا جارہا ہے۔ خبروں کے مطابق مشتی مکھرجی طویل وقت سے کڈنی کی پریشانی سے گزر رہی تھیں جس کا علاج بھی چل رہا تھا لیکن سبھی کوششیں ناکام رہیں اور وہ دنیا کو الوداع کہہ گئیں۔
رپورٹس کے مطابق اداکارہ مشتی مکھرجی کیٹو ڈائٹ لیتی تھیں۔ اس سے جگر اور کڈنی پر برا اثر پڑتا ہے۔اداکارہ کی پہلے سے ہی طبیعت خراب رہتی تھی جب سے انہوں نے کیٹو ڈائٹ لینا شروع کیا تھا ان کی حالت اور بھی زیادہ بگڑنے لگی تھی۔
View this post on Instagram
اداکارہ کے گھروالوں کا کہنا ہے کہ کیٹو ڈائٹنگ کرنے کی وجہ سے ان کے دونوں گردے فیل ہوگئے تھے جس کی وجہ سے اداکارہ کی بے وقت موت ہوئی۔ موت کے وقت مشتی مکھرجی بے حد درد اور تکلیف میں تھیں۔
واضح رہے کہ اداکارہ نے بنگالی فلموں کے ساتھ ساتھ دیگر زبان کی فلموں میں بھی کام کیا ہے۔ میں کرشنا ہوں، لائف کی تو لگ گئی، جیسی فلموں میں ان کے کردار کو سراہا گیا ہے۔ مشتی کو کئی فلموں میں آئٹم ڈانس میں بھی دیکھا گیا ہے۔ انہوں نے کئی میوزک ویڈیو میں بھی کام کیا ہے۔
View this post on Instagram
خیال رہے کہ کیٹوجینک ڈائٹ جسے عام طور پر کیٹو ڈائٹ کہا جاتا ہے اس میں ہائی فیٹ ( چربی) اور پروٹین والی خوراک لی جاتی ہے جب کہ کاربوہائیڈریٹ والی خوراک کو یا تو بالکل کم کردیا یا لینا ہی بند کردیا جاتا ہے۔ صرف پروٹین پر ہمارا جسم کام نہیں کرتا جسم کے اعضا کو چلانے کے لیے کاربوہائیڈریٹ والی غذا کا لینا ضروری ہوتا ہے۔
View this post on Instagram
ابتدا میں تو اس ڈائٹنگ سے وزن کافی کم ہوجاتا ہے لیکن کچھ عرصہ گزرنے کے بعد اس ڈائٹنگ کے جسم پر بہت برے اثرات مرتب ہونا شروع ہوجاتے ہیں جس میں بال، ناخن اور جلد خراب ہونا شروع ہوجاتی ہے اس کے علاوہ اس ڈائٹنگ کا گردوں پر بھی بہت دباؤ پڑتا ہے اور گردے میں پتھری ہوسکتی ہے۔
گردوں پر برا اثر پڑنے کی وجہ سے ہی بھارتی اداکارہ موت کے منہ میں چلی گئیں۔
