لاہور : پاکستان کرکٹ بورڈ کی جانب سے 4 ماہ کی پابندی کے بعد قومی کرکٹر احمد شہزاد نے کہاکہ بطور کرکٹر یہ سزا میرے لئے ایک سبق ہے امید کرتا ہوں کہ پابندی کے بعد بھرپور واپسی کروں گا۔
تفصیلات کے مطابق پاکستان کرکٹ بورڈ کی جانب سے پابندی پر رد عمل دیتے ہوئے قومی کرکٹر احمد شہزاد نے کہاکہ پاکستان کرکٹ بورڈ کی جانب سے جو ڈوپنگ کے حوالے سے میرے خلاف فیصلہ آیا ہے اسے میں قبول کرتا ہوں میں نے غیر معمولی ادویات کا استعمال کیا جو کہ مجھے بطور کرکٹر کرنا پڑا ،میں عزم کرتا ہوں کہ جیسے ہی میری پابندی ختم ہوگی تو میری واپسی بھرپور ہو گی،مجھے اپنی دعاو ں میں یاد رکھئے گا۔
My doping case verdict is acceptable to me. I accept the sanction handed out by PCB. I inadvertently consumed a medicine which as an experienced cricketer I should have refrained from. I am fully committed to returning to cricket as soon as my ban is over (November 11, 2018.)
— Ahmad Shahzad ???????? (@iamAhmadshahzad) October 5, 2018
یاد رہے کہ ٹیسٹ اوپنر احمد شہزاد کے ڈوپ سیمپل میں حشیش کی مقدار پائی گئی تھی اور حشیش کا نشہ عام طور پر تفریحی نشہ کہلاتا ہے جس کا شمار قوت بخش ادویات میں نہیں ہوتا،قومی کھلاڑی کی پابندی 11 نومبر کو ختم ہوگی۔
خیال رہے کہ احمد شہزاد کا نام پی ایس ایل 4 کیلئے دستیاب ڈرافٹنگ کے پاکستانی کرکٹرز کی فہرست سے نکال دیا گیا تھا، پاکستان سپر لیگ (پی ایس ایل ) نے فرنچائزوں کے ساتھ وابستہ کھلاڑیوں کی کیٹیگریز کا اعلان 29 ستمبر کیا جس میں احمد شہزاد کا نام شامل نہیں تھا ۔
