مدینہ منورہ : بھارتی اداکارہ اور سوشل میڈیا انفلوئنسر ثنا سلطان نے مدینہ منورہ میں اپنے نکاح کی تقریب منعقد کی، جس کی تصاویر سوشل میڈیا پر وائرل ہو گئی ہیں۔
"بگ باس او ٹی ٹی 3" میں شرکت کر کے شہرت حاصل کرنے والی ثنا نے محمد واجد سے نکاح کیا ہے، اور اس خوشی کے موقع پر انہوں نے اپنی شادی کی تصاویر کواپنے انسٹاگرام اکاؤنٹ پر شیئر کیا۔
ثنا سلطان نے اپنے پوسٹ میں نکاح کی تقریب کو انتہائی ذاتی نوعیت کا قرار دیتے ہوئے، کہا کہ "الحمداللّٰہ! میں عاجزی اور خوشی کے ساتھ یہ خبر شیئر کر رہی ہوں کہ مجھے مدینہ جیسی پاکیزہ اور مقدس جگہ پر اپنے واجد جی کے ساتھ نکاح کی سعادت حاصل ہوئی ہے۔" انہوں نے مزید لکھا کہ "ہماری دوستی سے زندگی کے ساتھی بننے کا سفر محبت، صبر اور ایمان کا مظہر ہے۔"
ثنا کے نکاح کی ویڈیو بھی سوشل میڈیا پر شیئر کی گئی، جس میں دونوں کی خوشی اور محبت واضح طور پر نظر آ رہی تھی۔ ان کی پوسٹ پر دوستوں، مداحوں اور سوشل میڈیا اسٹارز کی جانب سے انہیں دل کی گہرائیوں سے مبارکباد دی جا رہی ہے۔
