اسلام آباد: پی آئی اے کا خصوصی طیارہ چین سے 10 لاکھ سائینو فارم ویکسین لے کر پاکستان پہنچ گیا۔
نیشنل کمانڈ اینڈ آپریشن سینٹر (این سی او سی) کے مطابق رواں ماہ سائینو فارم، کین سائینو اور سائینو ویک کی ایک کروڑ 10 لاکھ خوراکیں پاکستان کو ملیں گی۔
این سی او سی نے شہریوں سے کورونا کے مزید پھیلاؤ سے بچنے کے لیے ویکسی نیشن کروانے کی اپیل کرتے ہوئے کہا کہ کورونا کے کم شرح والے اضلاع میں تعلیمی ادارے 7 جون سے کھول دیے جائیں گے۔
واضح رہے کہ این سی او سی نے رواں برس کے اختتام تک 7 کروڑ لوگوں کی کورونا ویکسی نیشن کی مہم مکمل کرنے کا فیصلہ کیا۔
وزیر اعظم کے معاون خصوصی برائے صحت ڈاکٹر فیصل سلطان کا کہنا ہے کہ جب تک ساری آبادی کی ویکسی نیشن نہیں ہوگی پابندیاں ختم نہیں ہوسکتیں۔ اس لیے سب سے گزارش ہے کہ اپنی ویکسی نیشن ضرور کروائیں۔
