جاوا: انڈونیشیا کے جزیرے جاوا میں 2 ٹرینوں کے درمیان تصادم ہو گیا جس کے نتیجے میں چارافراد ہلاک اور درجنوں مسافر زخمی ہو گئے۔
ملکی انتظامیہ کے مطابق مشرقی صوبے جاوا کے دارالحکومت سورابایا سے بانڈونگ جانے والی ایک ٹرین نے دوسری ٹرین کو اسٹیشن پر ٹکر ماری جس سے بوگیوں کو شدید نقصان پہنچا جب کہ کچھ بوگیاں پٹری سے اتر گئیں جس کے نتیجے میں 4 افراد ہلاک اور درجنوں مسافر زخمی ہوگئے۔ حادثے کے وقت ٹرینوں میں کل 478 مسافر سوار تھے۔
انتظامیہ کا کہنا ہے کہ واقعے کی اطلاع ملتے ہی ریسکیو اہلکاروں سمیت ایمبولینسز موقع پر پہنچ گئیں جنہوں لاشوں سمیت زخمیوں کو طبی امداد کیلئے اسپتال منتقل کیا۔
