نئی دہلی ، معروف بھارتی نغمہ نگار عالمی وباء کے باعث جان کی بازی ہار گئے ۔ نغمہ نگار انیل پنچورن کورونا کی وباء کا شکار ہوگئے تھے اور پچھلے کئی روز سے مقامی ہسپتال میں زیرعلاج تھے ۔
تفصیلات کے مطابق بھارتی نغمہ نگار انیل پنچورن کو چند ہفتے قبل سانس کی تکلیف کے باعث بھارتی ریاست کیرالہ کے ہسپتال میں داخل کیا گیا ۔
علاج کے دوران ہی 55 سالہ انیل کو ہارٹ اٹیک ہوا جو جان لیوا ثابت ہوا ۔
انیل پنچورن کے لکھے گیتوں نے کئی فلموں کو کامیابی سے ہمکنار کیا ۔ نغمہ نگار کے انتقال سے بھاری فلم انڈسٹری صدمے سے دوچار ہے ۔
یاد رہے کہ کورونا کی وباء کے باعث بھارتی فلم انڈسٹری میں کئی فنکار گلوکار اوراداکار دار فانی سے کوچ کرچکے ہیں ۔
