دبئی: انٹرنیشنل کرکٹ کونسل (آئی سی سی) نے نئی ٹی 20 پلیئرز رینکنگ جاری کردی، جس میں بابر اعظم اور محمد رضوان کی ایک، ایک درجے تنزلی ہوئی ہے، تاہم دونوں اب بھی ٹاپ 10 میں شامل ہیں۔ آسٹریلیا کے ٹریوس ہیڈ کی پہلی پوزیشن برقرار ہے۔
بیٹرز کی رینکنگ میں بھارت کے ابھیشک شرما 38 درجے ترقی کرکے دوسرے نمبر پر پہنچ گئے، جبکہ بابر اعظم 7ویں اور محمد رضوان 9ویں نمبر پر چلے گئے۔
ٹی 20 بولرز میں عقیل حسین نمبر ون، پاکستان کا کوئی بولر ٹاپ 10 میں نہیں
بولرز کی رینکنگ میں ویسٹ انڈیز کے عقیل حسین دوبارہ نمبر ون بولر بن گئے، جبکہ انگلینڈ کے عادل رشید ایک درجے تنزلی کے بعد دوسرے نمبر پر چلے گئے۔
بھارت کے ورون چکرورتھی 3 درجے ترقی کے بعد تیسرے اور روی بشنوئی 4 درجے ترقی کے بعد چھٹے نمبر پر آگئے، جبکہ پاکستان کا کوئی بولر ٹاپ 10 میں جگہ بنانے میں ناکام رہا۔
ٹی 20 آل راؤنڈرز کی رینکنگ میں بھارت کے ہاردک پانڈیا بدستور پہلے نمبر پر موجود ہیں۔
