کراچی:پاکستان کی مشہور اداکارہ ماورا حسین اور ان کے قریبی دوست و ساتھی اداکار امیر گیلانی کے حوالے سے سوشل میڈیا پر نئی افواہیں سامنے آئی ہیں کہ دونوں رشتہ ازدواج میں بندھ چکے ہیں۔
انسٹاگرام پر مختلف پیجز پر یہ خبریں شیئر کی جا رہی ہیں کہ ماورا اور امیر گیلانی کی شادی رواں ماہ متوقع ہے، جبکہ ایک پیج نے دعویٰ کیا کہ دونوں اداکار گزشتہ روز ہی شادی کے بندھن میں بندھ چکے ہیں۔
تاہم، ابھی تک ماورا حسین اور امیر گیلانی کی جانب سے اس خبر کی تصدیق یا تردید نہیں کی گئی۔ اس دوران ان کے مداح خوشی کا اظہار کرتے ہوئے ان کے لیے نیک تمناؤں کا پیغام دے رہے ہیں۔