کیلیفورنیا: سکاٹش گلوکارہ، نغمہ نگار اور سیاسی کارکن اینی لینوکس نے 66ویں گریمی ایوارڈ میں اپنی پرفارمنس کے دوران غزہ کی پٹی میں جنگ بندی کا مطالبہ کر دیا، وہ ایک بڑے ایوارڈ شو میں ایسا بیان دینے والی پہلی فنکار بن گئی ہیں۔
اتوار کو لاس اینجلس میں 66 ویں سالانہ گریمی ایوارڈز میں یادگاری سیگمنٹ میں آنجہانی آئرش گلوکار سینیڈ او کونر (Sinéad O'Connor) کی نتھینگ کیمبیئرز ٹو یو ( Nothing Compares 2 U) کی کارکردگی کے آخری لمحات میں اینی لینوکس نے غزہ میں جنگ بندی کیلئے اپنی آواز بلند کی۔
Watch: Scottish singer-songwriter and political activist Annie Lennox has called for a ceasefire in the Gaza Strip during her performance at the 66th #Grammys on Sunday, becoming the first artist to make such a statement at a major award show. pic.twitter.com/pdWqH6TuVx
— Wafa News Agency - English (@WAFANewsEnglish) February 5, 2024
گریمی ریڈ کارپٹ پر غزہ میں امن کے مطالبات پر کئی دیگر مشہور شخصیات نے شمولیت اختیار کی۔بوئے جینیئس ( Boygenius) کے اراکین نے آرٹسٹ کال فار سیز فائر ناؤ کے لوگو کے ساتھ پن پہنا تھا، جو امریکی صدر جو بائیڈن کو بھیجی گئی ایک پٹیشن کا نام تھا اور اس پر متعدد موسیقاروں اور اداکاروں نے دستخط کیے تھے۔درخواست میں جینیفر لوپیز، جوکین فینکس، جینیل مونی، دعا لیپا اور بہت کچھ سمیت ہائی پروفائل شخصیات شامل ہیں۔
ایسپرانزا اسپلڈنگ (Esperanza Spalding )نے بھی قافیہ پہن کر فلسطین کے لیے اپنی حمایت کا بھی اظہار کیا۔
دوسری جانب لاس اینجلس کے مرکز میں 66ویں گریمی ایوارڈز کے باہر سینکڑوں فلسطینی حامی مظاہرین نے ریلی نکالی، ریلی میں سینکڑوں افراد نے شرکت کی۔
مظاہرین نے فلسطینی جھنڈے اور بینرز اٹھا رکھے تھے جن پر جنگ بندی کا مطالبہ کیا گیا تھا۔
