کرینہ کپور نے شوہر کیلئے رونے کا اعتراف کر لیا

ممبئی: بالی ووڈ کی بے بو کرینہ کپور نے اپنے شوہر سیف علی خان کیلئے آنسو بہانے کا اعتراف کر لیا۔
اپنے ایک انٹرویو میں کرینہ کپور کا کہنا تھا کہ سیف علی خان جب گھر پرہوتے ہیں تو شوہر اور بچے کے ساتھ وہ بہت خوش رہتی ہیں لیکن جب بھی وہ کسی کام یا فلم کی شوٹنگ کے لیے گھر سے جاتے ہیں تو انہیں بہت برا لگتا ہے، سیف کے جاتے ہی وہ پھوٹ پھوٹ کر رونے لگتی ہیں۔
کرینہ کپور 2007 میں شاہد کپور سے قربتوں کے خاتمے کے بعد سیف علی کے قریب آئیں اور وقت گزرنے کے ساتھ ساتھ یہ قربتیں محبت میں بدلی اور پھر 2012 میں دونوں نے شادی کرلی، ان کا ایک ایک بیٹا تیمور علی خان بھی ہے جو ایک سال کا ہوگیا ہے۔ شادی اور بچے کے بعد دونوں میں محبت کم نہیں ہوئی اس کا اظہار دونوں کی جانب سے مختلف طریقوں سے ہوتا رہتا ہے۔