کیلیفورنیا:سنیپ چیٹ کے صارفین کے لیے خوشخبری، بڑی تبدیلی کردی گئی ۔سنیپ چیٹ جلد ہی چیٹ تھریڈز کے ساتھ اشتہارات پوسٹ کرنا شروع کرے گا۔
رپورٹ کے مطابق مختلف عالمی برانڈز کی جانب سے یہ سپانسرڈ سنیپس کے مرکزی چیٹ ٹیب میں بغیر پڑھے ہوئے پیغامات کے طور پر ظاہر ہوں گے ۔یہ پہلا موقع ہے جب سنیپ اپنی ایپ کے سب سے زیادہ استعمال ہونے والے حصے میں اشتہارات دکھائے گا۔
یہ واضح نہیں ہے کہ سپانسرڈ سنیپ کو کھولے بغیر اس سے چھٹکارا حاصل کرنا کتنا آسان ہوگا، یا اگر ایسا کرنا ممکن بھی ہوگا یانہیں۔ یادرہےعالمی سطح پر 850 ملین سے زیادہ ماہانہ صارفین تک رسائی کے باوجود سنیپ چیٹ کی کمائی ذریعہ یعنی اشتہارات اب بھی اپنے مدمقابل یعنی میٹا سمیت اپنے دیگر سوشل میڈیا سائٹس کے مقابلے میں اب بھی کم ہیں ۔ سنیپ بھی اب بھی منافع بخش نہیں ہے۔
