کراچی: منچھر جھیل پر صورتحال مزید خراب ہو گئی جس کے باعث علاقہ مکینوں کو جھیل پر جانے سے گریز کرنے اور قریبی علاقے خالی کرنے کی ہدایت کر دی گئی ہے۔
تفصیلات کے مطابق ڈپٹی کمشنر کا کہنا ہے کہ اس وقت منچھر جھیل پر خطرے کی صورتحال پیدا ہو گئی ہے اس لئے عوام غیر ضروری طور پر منچھر جھیل کے بند پر نہ جائیں، منچھر جھیل کو باغ یوسف کے مقام پر، آرڈی 14 پر کٹ لگایا گیا ہے جبکہ آر ڈی 54 سے آرڈی 58 تک منچھر جھیل کے بند پر دباؤ ہے۔
Another crisis on the way
— Emaan Danish Khan (@EmaanzT) September 4, 2022
#Water level in Asia’s largest #freshwater #MancharLake has reached max level 23 ft. The regulatory gates can fall apart any time. #ClimateEmergency #Pskistanfloods pic.twitter.com/X1IQ1Y90L5
ان کا کہنا تھا کہ اگلے 24 سے 48 گھنٹے اہم ہیں جبکہ محکمہ آبپاشی کا کہنا ہے کہ کٹ کے بعد منچھر جھیل سے پانی کا دباؤ 30 فیصد کم ہوگا اور پانی گاؤں کرن پور اور انڈس لنک کے درمیان سے دریائے سندھ میں داخل ہو گا۔
دوسری جانب ضلع دادو میں میہڑ اور جوہی شہر کے رنگ بندوں پر بھی پانی کا دباؤ ہے جس کے باعث شہری بوریوں میں مٹی بھر کر بندوں کو مضبوط کرنے میں مصروف ہیں۔
مٹیاری کے قریب روہڑی کینال کے مقام چھنڈن شاخ کا ٹوٹنے والا گیٹ کئی گھنٹے بعد بھی نہیں بن سکا جس کی وجہ سے مٹیاری شہر سمیت قومی شاہراہ زیر آب آنے کا خدشہ ہے۔
