دبئی:انڈین پریمیئر لیگ(آئی پی ایل) میں ناقص کارکردگی کی وجہ سے ٹرولرز کا نشانہ بننے والے آسٹریلوی کرکٹر گلین میکسویل کی بھارتی منگیتر نے ناقدین کو کرارا جواب دے دیا۔
View this post on InstagramMissing this angel of mine @gmaxi_32 ???? bring on summer & date nights ???? #throwback
بھارتی میڈیا رپورٹس کے مطابق ئی پی ایل میں کنگز الیون پنجاب کی جانب سے کھیلنے والے آسٹریلوی بلے باز گلین میکسویل اب تک کوئی خاطر خواہ کارکردگی کا مظاہرہ نہیں کرسکے اور وہ اس سیزن میں کھیلے گئے اب تک چار میچوں میں محض 10 کی اوسط سے ہی 30 رنز بناسکے ہیں،جبکہ ان کی ٹیم بھی انتہائی خراب کارکردگی کا مظاہرہ کررہی ہے اور اب تک چار میں سے تین میچ ہار چکی ہے۔
میکس ویل کے خراب کارکردگی کے بعد ان پر تنقید کے نشتر برسنا شروع ہوگئے ہیں اور ان پر سوالیہ نشان اٹھنے کے بعد سوشل میڈیا پر مداحوں کی جانب سے شدید تنقیدکی جارہی ہے۔
ایک شخص نےسماجی رابطے کی ویب سائٹ انسٹاگرام پر گلین میکس ویل کی دماغی حالت پر ہی سوال کھڑے کر دیئے جس کے بعد ان کی منگیتر نے اسے کرارا جواب بھی دیا ہے۔
میکس ویل کی منگیتر ونی رمن نے اس شخص کی بولتی بند کرتے ہوئے منہ توڑ جواب دیا کہ وہ کسی شخص کی قومیت اور اس کے رنگ کو دیکھ کر پیار نہیں کرتی ہیں۔
میں اپنی زندگی کے فیصلے کسی بیوقوف انجان شخص کی باتوں میں آکر نہیں کرتی۔ اگر تمہیں یہ دیکھنا پسند نہیں ہے تو آگے بڑھو۔
گلین میکسویل نے اپنی منگیتر کے اس کمنٹ کو اپنے انسٹاگرام سٹوری پر شیئر کیا ہے اور انہوں نے اپنی منگیتر کو اس جواب کیلئے سلام بھی پیش کیا ہے۔
خیال رہے کہ گلین میکس ویل ورلڈ کپ کے بعد ڈپریشن میں چلے گئے تھے اور انہوں نے کچھ وقت کیلئے کرکٹ سے وقفہ بھی لیا تھا۔
اس دوران کھلاڑی کا پورا دھیان ونی رمن نے رکھا تھا۔ فی الحال میکس ویل کا بیٹ آئی پی ایل میں خاموش ہے لیکن انہیں فارم میں آنے کیلئے محض ایک اننگ کی ضرورت ہے۔
یاد رہے کہ آسٹریلوی آل راؤنڈر گلین میکسویل نےرواں برس مارچ میں اپنی بھارتی دوست ونی رمن کے ساتھ منگنی کی تھی۔
سماجی رابطے کی ویب سائٹ انسٹاگرام پر میکسویل اور ونی نے تصویر شیئر کی جس میں ونی رمن منگنی کی انگوٹھی پہنے ہوئی دکھائی دے رہی تھیں۔
ونی نے لکھا کہ ’میرے پسندیدہ شخص نے گزشتہ ہفتے مجھ سے شادی کرنے کو کہا۔میکسویل کی منگنی کے بعد سوشل میڈیا پر مداحوں کی جانب سے مبارکباد دینے کا سلسلہ شروع ہوگیا تھا۔
