راولپنڈی: پاکستان بحریہ نے تیار کردہ بیلسٹک میزائل کا کامیاب تجربہ کیا ہے۔
پاک فوج کے شعبہ تعلقات عامہ (آئی ایس پی آر) کے مطابق، یہ میزائل سسٹم 350 کلومیٹر کی رینج کے ساتھ زمینی اور سمندری اہداف کو انتہائی درستگی سے نشانہ بنانے کی صلاحیت رکھتا ہے۔ آئی ایس پی آر نے مزید بتایا کہ اس نظام میں جدید نیویگیشن سسٹم شامل ہے، جو اسے اپنی سمت اور رفتار تبدیل کرنے کی صلاحیت فراہم کرتا ہے۔
تجربے کا مشاہدہ چیف آف دی نیول اسٹاف ایڈمرل نوید اشرف اور پاک بحریہ کے سینئر افسران، سائنسدانوں اور انجینئرز نے کیا۔
صدر پاکستان، وزیراعظم، چیئرمین جوائنٹ چیفس آف سٹاف کمیٹی اور سروسز چیفس نے اس کامیاب تجربے میں شامل تمام یونٹس اور سائنسدانوں کو مبارکباد دی ہے۔
