اسلام آباد: وزیراعظم شہباز شریف نے کہا ہے کہ عمران خان کے آخری سال میں پریس فریڈم انڈیکس میں پاکستان 12 پوائنٹس گر لیا جبکہ پورے دور حکومت میں 18 پوائنٹس نیچے آیا۔
تفصیلات کے مطابق وزیراعظم شہباز شریف نے ورلڈ پریس فریڈم انڈیکس میں پاکستان کی تنزلی پر ردعمل دیتے ہوئے کہا کہ آزاد صحافت کی درجہ بندی میں تنزلی پر نہ صرف عمران خان کو ’آزادی صحافت کے شکاری‘ کا شرمناک خطاب ملا بلکہ جمہوریت بھی بدنام ہوئی۔ وزیراعظم شہباز شریف نے مزید کہا کہ ہم آزادی اظہار رائے اور صحافت کو یقینی بنانے کیلئے پوری طرح پرعزم ہیں۔
Pakistan fell 12 points on Press Freedom Index during last year of Imran Khan's govt & 18 points during his tenure. It not only earned him shameful title of "press freedom predator" but also placed our democracy in bad light. We are fully committed to freedom of press & speech!
— Shehbaz Sharif (@CMShehbaz) May 4, 2022
واضح رہے کہ عالمی صحافتی تنظیم رپورٹرز ود آو¿ٹ بارڈرز (آر ایس ایف) کی حال ہی میں جاری ہونے والی رپورٹ کے مطابق ورلڈ پریس فریڈم انڈیکس میں پاکستان 12 درجے تنزلی کے ساتھ 157ویں نمبر پر چلا گیا ہے۔
اس کے علاوہ پڑوسی ملک بھارت 8 درجے تنزلی کے ساتھ 150 ویں نمبر پر چلا گیا ہے جبکہ سری لنکا 146، بنگلہ دیش 162 اور میانمار 176 ویں نمبر پر ہے۔
