کراچی: مایہ ناز پاکستانی اداکارہ ماہرہ خان رواں سال پہلی بار کانزفلم فیسٹیول میں شرکت کیلئے پر امید ہیں تاہم وہ کانز فلم فیسٹیول میں پاکستان کی نمائندگی کرنے والی پہلی پاکستانی اداکارہ ہوں گی۔
میڈیا میں گردش کرنے والی خبروں کے مطابق اداکارہ ماہرہ خان پہلی بار 71 ویں سالانہ انٹرنیشنل کانزفلم فیسٹیول میں بین الاقوامی برانڈ لوریال پیرس کی برانڈ ایمبسیڈرکے طور پر پاکستان کی نمائندگی کرتی نظرآئیں گی۔ کانزفلم فیسٹیول کا میلہ ہرسال فرانس میں منعقد کیا جاتا ہے جس میں ہالی ووڈ اوربالی ووڈ کی صف اول کی اداکاراو¿ں کو مدعو کیا جاتا ہے۔
کانزفلم فیسٹیول کے ریڈ کارپٹ پر اب تک بالی ووڈ کی خوبرو اداکارائیں ایشوریارائے بچن، سونم کپور، پریانکا چوپڑا اوردپیکا پڈوکون اپنی اداو¿ں کے جلوے بکھیرچکی ہیں اوراب کہا جارہا ہے کہ پاکستان سے اداکارہ ماہرہ خان پہلی بار ان اداکاراو¿ں کے ساتھ کانزمیں پاکستان کی نمائندگی کرتی نظر آئیں گی۔
واضح رہے کہ ماہرہ خان کوگزشتہ برس اکتوبر 2017 میں بین الاقوامی برانڈ کی سفیرمقررکیا گیا تھا لہٰذا ماہرہ لوریال پیرس کی سفیرکے طورپرکانز فلم فیسٹیول میں شرکت کریں گی۔
کانز فیسٹول میں پہلی مرتبہ پاکستانی اداکارہ کی شرکت کا امکان
کیپشن: کانزفلم فیسٹیول کا میلہ ہرسال فرانس میں منعقد کیا جاتا ہے۔۔۔۔فوٹؤ: فائل
