اسلام آباد: وفاقی حکومت کا پہلا سال مکمل ہونے پر وفاقی کابینہ کی کارکردگی کا جائزہ لینے کے لیے آج خصوصی اجلاس منعقد ہوگا۔ اجلاس کی صدارت وزیراعظم شہباز شریف کریں گے، جس میں وزیراعظم اور کابینہ ارکان عوام کے سامنے اپنی ایک سالہ کارکردگی پیش کریں گے۔
اجلاس میں متعلقہ وزراء، خزانہ، توانائی، انفارمیشن ٹیکنالوجی اور دیگر شعبوں کی ایک سالہ کارکردگی پر رپورٹ پیش کریں گے۔ اس اجلاس کا مقصد عوام کو حکومت کے اقدامات اور ان کے اثرات سے آگاہ کرنا ہے۔
خصوصی اجلاس میں مختلف شعبوں کے نمائندگان، بشمول کاروباری حضرات، چیمبرز کے نمائندگان، خواتین، طالبعلموں اور دیگر شہریوں کو مدعو کیا گیا ہے تاکہ وہ خود اجلاس کا مشاہدہ کریں اور حکومتی اقدامات کے بارے میں معلومات حاصل کریں۔
