لاہور: لاہور بورڈ کے تحت میٹرک کے سالانہ امتحانات کا آغاز آج سے ہوگیا ہے۔ پہلے روز دونوں شفٹوں میں مجموعی طور پر پانچ مضامین کے امتحانات ہوں گے۔ مارننگ شفٹ میں عربی اور جغرافیہ کے مضامین کے امتحانات ہوں گے، جبکہ دوسری شفٹ میں آرٹ اینڈ ماڈل ڈرائنگ وڈ ورکنگ اور تاریخ کے امتحانات منعقد ہوں گے۔
اس سال دہم جماعت کے امتحانات میں 2 لاکھ 56 ہزار امیدوار شرکت کر رہے ہیں۔ امتحانات کے لیے 948 امتحانی مراکز قائم کیے گئے ہیں، جن میں سے 156 کو حساس قرار دیا گیا ہے تاکہ کسی بھی ناخوشگوار واقعے سے بچا جا سکے۔ بورڈ حکام کا کہنا ہے کہ امتحانات کے دوران بہترین انتظامات کی گئے ہیں اور امیدواروں کو سہولت فراہم کرنے کے لیے تمام اقدامات کیے گئے ہیں۔
