اسلام آباد :جیش محمد کے سربراہ مولانا مسعود اظہر کے حوالے سے بھارتی میڈیا نے تمام حدوں کو پار کرتے ہوئے ان کے انتقال کی من گھڑت خبر چلادی جبکہ مسعود اظہر کے اہل خانہ نے زندہ اور خیر و عافیت سے ہونے کی تصدیق کردی۔
#BREAKING: Reports suggest Maulana Masood Azhar is dead, he died on March 2. To be formally announced after intimation from Army hospital, Islamabad: Top Intel Sources. Input: @manojkumargupta, @Zakka_Jacob with more details
— News18 (@CNNnews18) March 3, 2019
CNN-News18 is trying to independently verify the news pic.twitter.com/ntFVMBPvFF
تفصیلات کے مطابق ریٹنگ کا بھوکا اور جھوٹی خبروں کی وجہ سے پوری دنیا میں ذلیل ہونے والے بھارتی میڈیا نے ایک مرتبہ پھر بچگانہ پن کا ثبوت دیتے ہوئے جیش محمد کے سربراہ مولانا مسعود اظہر کے انتقال کی خبریں چلادیں۔
بھارتی میڈیا کی جانب سے دعویٰ کیا جا رہا ہے کہ مسعود اظہر انتقال کر گئے ہیں۔ تاہم مسعود اظہر کے اہل خانہ نے بھارتی میڈیا کی جانب سے چلائی جانے والی خبروں کی تردید کر دی ہے۔
جیش محمد کے سربراہ کے اہل خانہ کی جانب سے بتایا گیا ہے کہ بھارتی میڈیا پر چلائی جانے والی خبریں جھوٹی ہیں۔ مسعود اظہر ناصرف زندہ ہیں، بلکہ خیر و عافیت سے ہیں مکمل تندرست ہیں۔
خیال رہے کہ بھارتی میڈیا کی جانب سے گزشتہ صبح سے مسعود اظہر کے انتقال کی جھوٹی خبر چلائی جا رہی ہے۔ تاہم اب اس خبر کی تردید کر دی گئی ہے۔
