نئی دہلی : بھارتی پولیس نے پنجابی گلوکار سدھو موسے والا کے قاتل کو گرفتا رکرلیا ۔ پولیس کے مطابق انکت نامی گینگسٹر ان شوٹرزمیں شامل تھا جنہوں نے 29 مئی کو پنجاب کے ضلع مانسا کے گاؤں جوارکھا میں سدھو موسے والا کو گولی مار کر ہلاک کر دیاتھا ۔
پولیس حکام کا کہنا ہے کہ سپیشل تحقیقاتی ونگ نے لارنس بشنوئی اور گولڈی برار گینگ سے تحقیقات کے دوران کئی افراد کو گرفتار کیا جن میں انکت نامی شوٹر بھی شامل ہے اور یہ اس وقت سدھو موسے والا پر فائرنگ کرنے والوں میں شامل تھا ۔
پولیس کے مطابق سچن بھیوانی دوسرا اہم ملزم تھا جس پر چار شوٹرز کو پناہ دینے کا الزام تھا ۔ پولیس نے انکت اور سچن بھیوانی کو کشمیر ی گیٹ بس اسٹینڈ کے قریب سے گرفتار کیا تھا ۔ پولیس کا کہنا ہے کہ ملزمان کے قبضے سے ایک نائن ایم ایم، 30 ایم ایم پستول تین پنجاب پولیس یونیفارم، دو موبائل فون اور سِم کارڈ برآمد ہوا ہے جوکہ ممکنہ طور پر سدھو موسے والا کے قتل میں استعمال کیا گیا تھا ۔
