بلاول بھٹو اب نئی ساز باز کرنے واشنگٹن جارہے ہیں، ڈاکٹر شہباز گل

اسلام آباد: وزیراعظم کے معاون خصوصی برائے سیاسی روابط ڈاکٹر شہباز گل نے کہا ہے کہ چیئرمین پیپلز پارٹی بلاول بھٹو زرداری اب نئی ساز باز کرنے واشنگٹن جا رہے ہیں، وزیراعظم عمران خان نے امریکا سے کہا absolutely not اس پر بلاول بھٹو کہنے جا رہے ہیں why not۔ یہ وہی لوگ ہیں جنہوں نے امریکا کو اڈے دیے

معاون خصوصی شہباز گل کا کراچی میں پریس کانفرنس کرتے ہوئے کہنا تھا کہ بلاول بھٹو زرداری اپنا "سی وی " لے کر نوکری کیلئے امریکا جا رہے ہیں، ان کی سیاسی فلم "میں ہوں ناں " کی وہاں شوٹنگ ہونے والی ہے۔

ان کا کہنا تھ کہ واشنگٹن جا کر بلاول بھٹو امریکا سے کہیں گے ہمیں نوکری دیں، ہم تیار ہیں۔ امریکا سے ساز باز اپنا مال بچانے کیلئے کی گئی تھی۔ امریکا کو اڈے دینے والے یہی لوگ تھے۔

انہوں نے کہا کہ امریکا سے ڈیل کے نتیجے میں پیپلز پارٹی میں 40 ڈرون حملے ہوئے۔ پیپلز پارٹی نے سابق امریکی وزیر خارجہ کی کتاب کو چیلنج نہیں کیا، اب آئندہ ایسا نہیں ہوگا، انہیں اس کا جواب دینا ہوگا۔

ڈاکٹر شہباز گل نے کہا کہ اس پرچی چیئرمین کو بغیر کوئی کام کئے پارٹی کی قیادت سونپ دی گئی۔ ہم ارض پاک کو کسی غیر کو بھی اپنے مقصد کیلئے استعمال نہیں کرنے دیں گے۔