لاہور، گلوکار راحت فتح علی خان کے گیت نے مقبولیت کے نئے ریکارڈقائم کردیئے ۔ گلوکار راحت فتح علی خان کے گائے گیت " ضروری تھا ناں " نے چھ سال بعد اہم سنگ میل عبور کرلیا ۔
راحت فتح علی خان نے چھ سال قبل یوٹیوب پر اپنا گیت " محبت بھی ضروری تھی بچھڑنا بھی ضروری تھا " ریلیز کیا تھا ۔ جو اب تک یوٹیوب پر ایک ارب سے بھی زائد مرتبہ سنا جاچکا ہے ۔
یوٹیوب پر یہ گیت 8 جون 2014 کو ریلیز ہوا تھا اس گیت کی موسیقی ساحر علی بگا نے ترتیب دی تھی ۔ جبکہ اس کے ویڈیو میں راحت فتح علی خان ،گوہر خان ،کوشال ٹنڈن اور ایلی اورم نمایا ں تھے ۔