اسلام آباد: وزارت مذہبی امور نے حج 2025 کے سرکاری سکیم کے عازمین سے واجبات کی تیسری قسط کی وصولی کے لیے شیڈول جاری کر دیا ہے۔ ترجمان کے مطابق، سرکاری حج سکیم کے عازمین 6 سے 14 فروری تک نامزد کیے گئے بینکوں میں اپنی واجبات کی تیسری قسط جمع کروا سکتے ہیں۔
حج تربیتی پروگرام کا پہلا مرحلہ خوش اسلوبی سے جاری ہے اور ملک بھر میں تحصیل اور اضلاع کی سطح پر حاجیوں کے لیے تربیتی پروگرام منعقد کیے جا رہے ہیں۔ حج کی تربیت کا دوسرا مرحلہ رمضان المبارک کے بعد شروع ہو گا اور یہ آخری حج پرواز تک جاری رہے گا۔ وزارت مذہبی امور نے حتمی حج پیکج کا بھی اعلان کر دیا ہے۔ ترجمان کے مطابق، لانگ حج پیکج کی قیمت 10 لاکھ 75 ہزار روپے جبکہ شارٹ حج پیکج کی حتمی قیمت 11 لاکھ 50 ہزار روپے ہو گی۔