اسلام آباد: پٹرولیم مصنوعات کی قیمتوں میں اضافے کے باعث پاکستان ریلویز نے ایک بار پھر مسافر ٹرینوں کے کرایوں میں پانچ فیصد اضافہ کرنے کا اعلان کیا ہے۔ محکمہ ریلویز کی جانب سے جاری نوٹیفکیشن کے مطابق کرایوں میں یہ اضافہ 5 فروری سے نافذ ہوگا۔
نوٹیفکیشن میں بتایا گیا ہے کہ ٹرین کی تمام کلاسز کے ٹکٹ میں پانچ فیصد اضافہ کیا جائے گا، اور یہ اضافہ سلون سروس سمیت تمام آؤٹ سورس ٹرینوں پر بھی لاگو ہو گا۔
