پشاور : پشاور ہائیکورٹ میں 10 نئے ایڈیشنل ججز نے اپنے عہدوں کا حلف اٹھا لیا ہے۔ حلف برداری کی تقریب پشاور ہائیکورٹ میں منعقد ہوئی، جس میں چیف جسٹس اشتیاق ابراہیم نے نئے ایڈیشنل ججز سے عہدے کا حلف لیا۔
حلف اٹھانے والے ججز میں جسٹس طارق آفریدی، جسٹس عبدالفیاض، جسٹس فرح جمشید، جسٹس انعام اللہ، جسٹس ثابت اللہ خان، جسٹس صلاح الدین، جسٹس صادق علی، جسٹس مدثر امیر، جسٹس اورنگزیب، اور جسٹس قاضی جواد احسان شامل ہیں۔
نئے ججز کے حلف اٹھانے کے بعد پشاور ہائیکورٹ کے ججز کی تعداد 23 ہوگئی ہے۔ یہ ججز جوڈیشل کمیشن کی منظوری کے بعد ایڈیشنل ججز کے طور پر تعینات کیے گئے ہیں، جس سے ہائیکورٹ کی کارکردگی اور عدلیہ کی سہولت میں بہتری کی امید ہے۔
