ایتھنز : یونان کی سمندری حدود میں گزشتہ 24 گھنٹوں کے دوران 100 سے زائد زلزلے محسوس کیے گئے ہیں، جن کی شدت 4.9 تک ریکارڈ کی گئی ہے۔ زلزلہ پیما مرکز نے خدشہ ظاہر کیا ہے کہ اس کے بعد ایک بڑا زلزلہ آ سکتا ہے، جس کے باعث یونان کے مختلف جزیروں سے شہریوں کا انخلا شروع ہو گیا ہے۔
ماہرین کے مطابق زلزلہ کیوں اور کیسے آتا ہے؟
ماہرین کے مطابق زمین کی تہہ تین بڑی پلیٹوں پر مشتمل ہے: یوریشین، انڈین اور اریبئین۔ زیرِ زمین حرارت کے جمع ہونے سے یہ پلیٹیں سرکنے لگتی ہیں، جس سے زمین ہلتی ہے اور زلزلہ آتا ہے۔ زلزلے کی لہریں دائرے کی شکل میں چاروں جانب پھیلتی ہیں، اور جن علاقوں میں ایک مرتبہ بڑا زلزلہ آ چکا ہو، وہاں دوبارہ بھی شدید زلزلہ آ سکتا ہے۔
زلزلہ زمین کی قشر سے توانائی کے اچانک اخراج کی وجہ سے ہوتا ہے، جو عموماً آتش فشانی لاوے کی شکل میں سطحِ زمین پر نمودار ہوتی ہے۔ زیادہ تر زلزلے فالٹ زون میں آتے ہیں، جہاں ٹیکٹونک پلیٹیں آپس میں ٹکراتی یا رگڑتی ہیں۔ ان پلیٹوں کے رگڑنے یا ٹکرانے کے اثرات عام طور پر سطحِ زمین پر محسوس نہیں ہوتے، مگر ان کے نتیجے میں شدید تناؤ پیدا ہو جاتا ہے جو جب تیزی سے خارج ہوتا ہے، تو شدید لرزش یا زلزلہ پیدا ہوتا ہے۔
