لاہور: پاکستان میں ہونے والی شادیاں مہنگے کپڑوں، زیورات اور روایتی کھانوں اور دیگر روایات سے بھر پور ہوتی ہیں، یعنی پاکستانی شادیوں میں بہت کچھ دیکھنے کو ملتا ہے ۔ شادیوں کے ہر سیزن میں نئی رسمیں اور روایات بھی سامنے آتی ہیں تاہم اب گزشتہ کچھ عرصے سے دولہا دلہن کی انٹری پر بھی خاص توجہ دی جاتی ہے اور نت نئے انداز اپنائے جاتے ہیں۔
حال ہی میں شادی کی ایک تقریب کے دوران ایسی ہی منفرد انٹری کا انٹرنیٹ پر خوب چرچا ہوا جس میں دولہے نے انٹری کیلئے اونٹ کا انتخاب کیا۔ تاہم شیخ عبداللہ نامی وائرل ہونے والے دولہے کو ایسی انٹری کا خیال کیسے آیا؟ نیو نیوز کیساتھ دلچسپ انٹرویو میں سب بتا دیا۔
واضح رہے کہ شادی میں اونٹ پر انٹری دینا ایک الگ انداز ضرور تھا تاہم یہ بات قابل ذکر ہے کہ داخلی راستہ بالکل اونٹ کے سائز کے مطابق نہیں بنایا گیا تھا جس سے صورتحال کچھ لمحے کیلئے عجیب و غریب محسوس ہوئی۔