پریانکا چوپڑا، نک جونز کی شادی کی تصاویر سوشل میڈیا پر وائرل

انٹرٹینمینٹ متفرق خبریں 
 
پریانکا چوپڑا، نک جونز کی شادی کی تصاویر سوشل میڈیا پر وائرل
کیپشن: image by facebook

ممبئی:بالی ووڈ سٹار پریانکا چوپڑا  اور  نک جونز  کی شادی کی تقریبات کی تصاویر سوشل میڈیا پر وائرل ہوگئیں، بالی ووڈ سٹار نے اپنی شادی کی تصویر سوشل میڈیا  کی ویب سائٹ پر شیئر کر دی ہیں۔

تفصیلات کے مطابق حالیہ دنوں میں شادی کے بندھن میں بندھنے والے نک جونز  اور  بالی وڈ  کی خوبرو  حسینہ پریانکا چوپڑا نے اپنی شادی کی تصاویر کو سوشل میڈیا پر شیئر کر دیا ہے، پریانکا چوپڑا نے اپنی ہندو  رسم و رواج سے ہونے والی شادی کی تصویر شیئر  کی ہے جس میں وہ سرخ جوڑے میں ملبوس ہیں اور جونز  بھی خوب نظریں ملائے فوٹو گرافروں کو  پوز دے رہے ہیں ۔

کوئٹہ سے اندرونِ ملک ٹرین سروس 4روز بعد بحال

دوسری طرف نک جونز نے بھی عیسائی شادی کی تصویر شیئر   کی ہے جس میں پریانکا چوپڑا نے سفید جوڑا پہنا ہوا ہے، تصویر میں نک جونز نے کالے رنگ کا سوٹ ملبوس کر رکھا ہے، اس موقع پر   نک جونز   پریانکا چوپڑا کے ہاتھ کو چوم رہے ہیں۔

ننکانہ صاحب میں بابا گرو نانک کے 555 ویں جنم دن کی تقریبات کا دوسرا روز جاری

جوڑے کی اس رومانوی تصویر کو سوشل میڈیا کی ویب سائٹ انسٹا گرام  اور ٹوئیٹر پر کافی پذیرائی ملی ہے، انسٹا گرام پر 33 لاکھ سے زائد مداحوں نے پسندیدگی کا اظہار کیا ہے ، تصویر پر 35 ہزار سے زائد کمنٹس بھی آئے یعنی مداحوں کی کثیر تعداد نے تصویر پر اپنی رائے کا اظہار کرتے ہوئے اسے پسند کیا ہے۔

واضح رہے کہ  کانز فلم فیسٹول کے میٹ گالا میں سال 2017 میں پہلی بار پریانکا سے ملاقات کرنے والے نک جونز  عمر میں اپنی دلہنیا سے 10 سال چھوٹے ہیں، پریانکا کی عمر 35 اور نک کی 25 سال ہے۔

ملک کے مختلف علاقوں میں بارش کا امکان