اسلام آباد:حریت لیڈر سید علی گیلانی کے ٹویٹ کے بعد وزیر خارجہ مخدوم شاہ محمود قریشی کا جنرل سیکرٹری او آئی سی سے رابطہ کرنے کا فیصلہ۔
This tweet must be taken as an SOS (Save Our Souls) message to all Muslims living on this planet. If we all die and you kept quite you will be answerable to Allah the Magnificent. Indians are about to launch the biggest genocide in the history of Mankind. May Allah protect us.
— Syed Ali Geelani (@sageelani) August 3, 2019
تفصیلات کے مطابق سید علی گیلانی نے اپنے ٹوئٹ میں مقبوضہ جموں و کشمیر میں بڑھتی بھارتی جارحیت پر ایس او ایس کال دی ہے اور بھارت کی جانب سے کشمیریوں کی نسل کشی کے خطرے کا اظہار کیا ہے۔
وزیر خارجہ شاہ محمود قریشی او آئی سی کے جنرل سیکرٹری کو کشمیر میں امن و امان کی صورتحال سے آگاہ کریں گے اور انہیں نہتے کشمیریوں کو بھارتی بربریت سے بچانے کے لیے اپنا بھرپور ادا کرنے کا مطالبہ کریں گے۔
India in it's war frenzy is not only sabotaging regional peace but also committing gross human rights violations along the LOC. I urge the nations of the world to take strict notice of the ongoing situation in IOK and LOC. https://t.co/IQCotv472O
— Shah Mahmood Qureshi (@SMQureshiPTI) August 3, 2019
وزیر خارجہ قبل ازیں سیکریٹری جنرل اقوام متحدہ کو بھی تفصیلی خط ارسال کر چکے ہیں جس میں ہندوستان کی طرف سے بین الاقوامی قوانین کی خلاف ورزیوں کا نوٹس لینے کا مطالبہ کیا گیا ہے۔شاہ محمود قریشی نے کہا کہ پاکستان، کشمیریوں کی سفارتی اور اخلاقی معاونت جاری رکھے گا ۔
ترجمان دفتر خارجہ ڈاکٹر فیصل نے بھی دو ٹوک اعلان کیاہے کہ پاکستان مقبوضہ وادی کی جغرافیائی یا آبادیاتی تبدیلی کسی صورت قبول نہیں کرےگا۔
مقبوضہ کشمیرمیں تیزی سے بگڑتی صورتحال پر تشویش کا اظہار کرتے ہوئے ڈاکٹر فیصل نے کہا 38ہزار بھارتی فوجی دستوں کی وجہ سے مقبوضہ کشمیرکے عوام میں شدیدخوف وہراس میں مبتلا ہیں۔ بھارتی فورسزنے سیاحوں،یاتریوں اور طلباکومقبوضہ کشمیرسے نکلنے کاحکم دیا ہے۔
ترجمان دفتر خارجہ نے بھارتی اشتعال انگیزیوں کی بھی بھر پور مذمت کی اور کہا کہ دشمن کو اس کا مناسب اور بھر پور جواب دیاجائے گا۔امید ہے بھارت ابھی تک 27 فروری بھولانہیں ہوگا۔
