کیچ میں سکیورٹی فورسز کی کارروائی،دو دہشت گرد مارے گئے

راولپنڈی :بلوچستان کے ضلع کیچ کے علاقے بلیدہ میں سکیورٹی فورسز نے دہشت گردوں کی موجودگی کی خفیہ اطلاع پر آپریشن کیا جس کے دوران دو دہشت گرد ہلاک ہوگئے۔ 
پاک فوج کے شعبہ تعلقات عامہ (آئی ایس پی آر) کے مطابق ہلاک ہونے والے خارجی دہشت گردی کی کارروائیوں میں ملوث تھے۔ 
اس کارروائی کے دوران شدید فائرنگ کا تبادلہ ہوا اور کلیئرنس آپریشن اب بھی جاری ہے۔ پاک فوج نے اس عزم کا اظہار کیا کہ وہ بلوچستان میں امن کے لیے اپنی کوششیں جاری رکھے گی۔