لاہور : محکمہ موسمیات نے کہا ہے کہ گلگت بلتستان میں جزوی طور پر ابر آلود موسم رہنے کے علاوہ چند مقامات پر تیز ہواؤں اور گرج چمک کے ساتھ بارش کا امکان ہے۔
محکمہ موسمیات کے مطابق ملک کے بیشتر علاقوں میں موسم خشک رہے گا اور میدانی علاقے گرم رہیں گے۔ اسلام آباد اور اس کے گرد و نواح میں موسم خشک رہنے کے ساتھ ساتھ جزوی طور پر ابر آلود رہنے کی توقع ہے۔ پنجاب کے زیادہ تر اضلاع میں موسم خشک رہے گا، تاہم بالائی اضلاع میں جزوی ابر آلود موسم متوقع ہے۔ خیبرپختونخوا میں بھی موسم خشک رہے گا، لیکن بالائی اضلاع میں جزوی طور پر ابر آلود موسم رہے گا۔
سندھ اور بلوچستان کے بیشتر علاقوں میں موسم خشک اور گرم رہنے کا امکان ہے، جبکہ کشمیر اور گلگت بلتستان میں جزوی طور پر ابر آلود موسم رہنے کے ساتھ ساتھ کچھ مقامات پر تیز ہواؤں اور گرج چمک کے ساتھ بارش ہو سکتی ہے۔ گزشتہ 24 گھنٹوں کے دوران خیبرپختونخوا اور پنجاب کے چند مقامات پر ہلکی بارش ہوئی، جبکہ ملک کے دیگر حصوں میں موسم خشک اور میدانی علاقوں میں گرم رہا۔
