دبئی: دبئی کی عمومی سیکیورٹی کے سربراہ لیفٹننٹ جنرل ضاحی خلفان نے پاکستانیوں کو سنگین خطرہ قرار دے دیا۔ پاکستانیوں سے اظہارعداوت کرتے ہوئے انھوں نے اپنے ہم وطنوں کو یہ مشورہ بھی دیا کہ انھیں ملازمتیں نہ دی جائیں۔
دبئی کی عمومی سیکیورٹی کے سربراہ لیفٹننٹ جنرل ضاحی خلفان نے پاکستانیوں کے خلاف زہرافشانی کرتے ہوئے انھیں خلیجی معاشروں کے لیے خطرہ قرار دے دیا ہے۔
پاکستانیوں کے حوالے سے اس نفرت انگیز بیان کے لیے انہوں نے سماجی رابطوں کی ویب سائٹ ٹوئٹر کا سہارا لیا۔
اپنے ٹویٹ میں انھوں نے کہا کہ پاکستانی شہری خلیجی معاشروں کے لیے سنگین خطرہ ہیں کیوں کہ یہ ہمارے ممالک میں منشیات لے کر آتے ہیں۔
يشكل الباكستانيون تهديدا خطيرا للمجتمعات الخليجية لما يجلبوه من مخدرات معهم إلى دولنا..يجب التشديد عليهم بإجراءات صارمة في المنافذ... pic.twitter.com/LTCj5OW98m
— ضاحي خلفان تميم (@Dhahi_Khalfan) April 1, 2018
جنرل ضاحی خلفان نے دبئی میں منشیات کی اسمگلنگ کے الزام میں تین پاکستانی باشندوں کی گرفتاری کے بعد اپنے آفیشل ٹوئٹر اکائونٹ پر یہ پیغام جاری کیا۔
انہوں نے پاکستانی شہریوں کا موازنہ بھارتی شہریوں سے بھی کیا اور ان کے نظم و ضبط کی تعریف کی۔
ضاحی خلفان کی پاکستانیوں سے نفرت کوئی ڈھکی چھپی نہیں وہ ماضی میں بھی پاکستانیوں کے بارے میں متنازع بیانات دیتے رہے ہیں۔
مخدرات جلبها باكستانيون pic.twitter.com/4Tcg2KoW7O
— ضاحي خلفان تميم (@Dhahi_Khalfan) April 1, 2018
پاکستانیوں سے اظہار عداوت کرتے ہوئے انھوں نے اپنے ہم وطنوں کو یہ مشورہ بھی دیا کہ پاکستانی شہریوں کو ملازمتیں نہ دی جائیں۔
جنرل ضاحی خلفان قطر اور ترک صدر طیب اردگان کے خلاف بھی ٹوئٹر پر نفرت انگیز پیغامات جاری کرتے رہتے ہیں۔
مزید پڑھیں: سعودی عرب آزاد ریاست کے فلسطینی حق کی حمایت کرتا ہے، شاہ سلمان
پاکستان اور بیرون ممالک میں مقیم پاکستانی شہریوں بے سماجی رابطوں کی ویب سائٹس پر جنرل ضاحی خلفان کی کے بیان پر شدید غصے اور افسوس کا اظہار کیا ہے۔
نیو نیوز کی براہ راست نشریات، پروگرامز اور تازہ ترین اپ ڈیٹس کیلئے ہماری ایپ ڈاؤن لوڈ کریں
