لاہور: سیلاب کے باعث جانی نقصان میں ہولناک اضافہ ، 24 گھنٹوں میں مزید 57 افراد لقمہ اجل بن گئے ۔ اموات کی مجموعی تعداد 1265 ہوگئى ۔
نیشنل ڈیزاسٹر مینجمنٹ اتھارٹی (این ڈی ایم اے) کی تازہ رپورٹ کے مطابق ، بارشوں اور سیلاب کے باعث مختلف واقعات میں سندھ میں 38 ، خيبرپختونخواہ میں 17 جبکہ کشمير اور بلوچستان میں دو افراد جاں بحق ہوئے ۔ جس کے بعد اموات کی مجموعی تعداد 1265 ہوگئى ۔
سیلاب کے باعث چوبيس گھنٹوں کے دوران بلوچستان میں 500 کلو ميٹر سڑک کو نقصان پہنچا ، ملک بھر میں مجموعی طور پر 5563 کلو ميٹر سڑک متاثر ہوئی ۔ 24 گھنٹوں میں سیلاب کے باعث مزيد 3766 مويشی بہہ گئے ۔ ملک میں 80 اضلاع حاليہ بارشوں اور سيلاب سے تاحال شدید متاثر ہيں ۔
واضح رہے کہ مون سون کی بارشیں صرف سیلاب ہی نہیں بلکہ مہنگائی کا سیلاب بھی اپنے ساتھ لے کر آئیں ہیں ، ایک ہفتے میں مہنگائی 45.5 فیصد بڑھ گئی ۔ آلو ، پیاز ، ٹماٹر ، دالیں ، مرغی کا گوشت ، بجلی اور پیٹرول کوئی چیز رہ نہیں گئی جس کی قیمت میں غیر معمولی اضافہ نہ ہوا ہو ۔
