پاکستان کیلئے ایک اور اچھی خبر، کم لاگت کی ایئر لائن فلائی جناح کا معاہدہ طے پا گیا

اہم خبریں پاکستان 
 
پاکستان کیلئے ایک اور اچھی خبر، کم لاگت کی ایئر لائن فلائی جناح کا معاہدہ طے پا گیا
کیپشن: پاکستان کیلئے ایک اور اچھی خبر، کم لاگت کی ایئر لائن فلائی جناح کا معاہدہ طے پا گیا
سورس: فوٹو/ اسکرین گریب

اسلام آباد: وزیراعظم عمران خان نے کہا ہے کہ ایئرعربیہ پاکستانی سرمایہ کاروں کے ساتھ مل کر فلائی جناح کے نام سے نئی ایئر لائن بنا رہے ہیں۔

وزیراعظم عمران خان نے یہ بات سماجی رابطوں کی ویب سائٹ ’ٹوئٹر‘ پر جاری کردہ اپنے بیان میں کہی ہے۔

وزیراعظم عمران خان سے ایئرعربیہ گروپ کے چیئرمین شیخ عبد اللہ بن محمد الثانی نے ملاقات کی ہے۔ جمعے کو اسلام آباد میں ہونے والی ملاقات میں وفاقی وزیر اطلاعات و نشریات فواد چوہدری اور وفاقی وزیر برائے ہوا بازی غلام سرور خان بھی موجود تھے۔

وزیراعظم شہباز شریف کی ترک صدر اردوان سے ملاقات، دو طرفہ تعلقات کو مستحکم کرنے پر تبادلہ خیال

ملاقات کے دوران پاکستان کی کمرشل ہوا بازی کی صنعت میں سرمایہ کاری کے امور پر گفتگو ہوئی۔

وزیراعظم عمران خان نے ملاقات کے دوران ایئر عربیہ گروپ کو خوش آمدید کہتے ہوئے کہا کہ حکومت پاکستان سرمایہ کاروں کے لیے آسانیاں پیدا کر رہی ہے اور چاہتے ہیں کہ پاکستان سرمایہ کاروں کی ترجیحی منزل ہو۔

وزیراعظم نے کہا کہ سیاحت کے فروغ کے لیے بیرون ملک سے کمرشل ایئر لائنز میں سرمایہ کاری کو خوش آمدید کہتے ہیں جبکہ سیاحت اور ٹریول سیکٹرز میں بے پناہ سرمایہ کاری کے مواقع موجود ہیں۔

بے نظیر بھٹو کی برسی: پاکستان ریلوے نے خصوصی ٹرین کے شیڈول کا اعلان کر دیا

وزیراعظم عمران خان کے معاون خصوصی شہباز گل نے بھی سماجی رابطوں کی ویب سائٹ ’ ٹوئٹر‘ پر جاری کردہ اپنے بیان میں کہا ہے کہ پاکستان کے لیے ایک اور اچھی خبر ہے۔

شہباز گل نے اپنے بیان میں کہا کہ لیکسن گروپ پاکستان اور ایئرعربیہ کے مابین کم لاگت کی ایئر لائن شروع کرنے کا معاہدہ ہوا ہے اور نئی ایئر لائن پاکستانی معیشت میں اہم کردار ادا کرے گی۔

دوسرے ون ڈے میں پاکستان کا جنوبی افریقہ کے خلاف 330 رنز کا بڑا ہدف

وزیراعظم عمران خان کے معاون خصوصی شہباز گل نے اپنے ٹوئٹر بیان میں کہا ہے کہ نئی ایئرلائن کے شروع ہونے سے نئی نوکریاں پیدا ہوں گی جبکہ اس سے ملک میں سفر و سیاحت کے شعبوں کی مدد کرے گی۔