اسلام آباد : وزیراعظم عمران خان نے کہا ہے کہ کورونا سے عالمی معیشت بری طرح متاثر ہوئی ہے ۔ ترقی پذیر ممالک میں غذائی قلت سب سے بڑا چیلنج ہے ۔ وزیراعظم چین میں منعقدہ فورم سے ورچیوئل خطاب کررہے تھے ۔
وزیراعظم عمران خان نے کہا کہ چین ترقی پذیر ممالک کے لئے مثال ہے ۔ چین ایسا رول ماڈل ہے جس کو دیکھ کر باقی ملک بھی ترقی کرسکتے ہیں ۔
انہوں نے کہا کہ کورونا کی وباء نے دنیا بھر میں مسائل پیدا کئے ہیں ۔ کورونا کے دوران دنیا خوراک کی کمی کا شکار رہی ہے ۔
